નરેન્દ્રભાઇ મોદીની જાહેરાત : ચંદીગઢ એરપોર્ટનું નામ સ્વતંત્રતા સેનાની ભગતસિંહના નામ પર રાખવામાં આવશે

Chandigarh Airport

પ્રધાનમંત્રી શ્રી નરેન્દ્રભાઈ મોદીએ આજે તેમના માસિક રેડિયો સંબોધન "મન કી બાત"માં જાહેરાત કરી હતી કે, ચંદીગઢ એરપોર્ટનું નામ સ્વતંત્રતા સેનાની ભગતસિંહના નામ પર રાખવામાં આવશે. આ સાથે નરેન્દ્ર મોદીએ ઉમેર્યું કે ભગતસિંહને તેમની જન્મજયંતી પર શ્રદ્ધાંજલિ આપવા માટે આ નિર્ણય લેવામાં આવ્યો છે.

93th Episode Mann Ki Baat

પંજાબના મુખ્યમંત્રી ભગવંત માને આ જાહેરાતનું સ્વાગત કરતા કહ્યું કે, પંજાબીઓની લાંબા સમયથી પડતર માંગણી પૂરી થઈ ગઈ છે. આખરે અમારા પ્રયત્નો ફળીભૂત થયા. સમગ્ર પંજાબ વતી, અમે ચંડીગઢ એરપોર્ટનું નામ શહીદ ભગતસિંહના નામ પર રાખવાના નિર્ણયને આવકારીએ છીએ.

હરિયાણાના નાયબ મુખ્યમંત્રી દુષ્યંત ચોટાલાએ પણ આ જાહેરાતને આવકારી છે અને કહ્યું કે પંજાબ અને હરિયાણા સરકારો અગાઉ ચંદીગઢ આંતરરાષ્ટ્રીય એરપોર્ટનું નામ ભગતસિંહના નામ પર રાખવા સંમત થયા હતા. ગયા મહિને આ મુદ્દે ભગવંત માન અને દુષ્યંત ચૌટાલાની બેઠક બાદ આ નિર્ણય લેવામાં આવ્યો હતો.

Bhagat Singh, Bhagwant Mann & Dushyant Chautala

શ્રી માને વધુમાં જણાવ્યું કે, પંજાબ સરકારે કેન્દ્રીય નાગરિક ઉડ્ડયન મંત્રાલયને પણ એક પત્ર મોકલ્યો હતો, જેમાં કહ્યું હતું કે ભગતસિંહની જન્મજયંતિ 28 સપ્ટેમ્બરે આવે છે અને જો એરપોર્ટનું નામ સુપ્રસિદ્ધ સ્વતંત્રતા સેનાનીના નામ પર રાખવામાં આવે તો સારું રહેશે. મને ખુશી છે કે અમારા પ્રયત્નો ફળ્યા અને વડાપ્રધાને મન કી બાત કાર્યક્રમમાં જાહેરાત કરી. 

પંજાબના મુખ્યપ્રધાને તેમના કાર્યકાળની શરૂઆત મહાન સ્વાતંત્ર્ય સેનાનીને પ્રતીકાત્મક શ્રદ્ધાંજલિ સાથે મહાન ધામધૂમથી કરી હતી. AAPએ ભગત સિંહના પૈતૃક ગામ ખટકર કલાનમાં ભગવંત માનના શપથ ગ્રહણ સમારોહનું આયોજન કર્યું હતું. ભગવંત માને તેમના કાર્યાલયના થોડા દિવસો પછી જ જાહેરાત કરી હતી કે 23 માર્ચ, ભગત સિંહની શહીદીના દિવસે, દર વર્ષે જાહેર રજા જાહેર કરવામાં આવશે.